كفتة بتلو بالكرنب الاحمر

الشيف ايمن

المقادير :

- 1/2 ك لحمة مفرومة
كرنب احمر
زبدة
طماطم
بصل
ملح وفلفل


الطريقة:

- نتبل اللحمة بملح وفلفل ونكورها كور متوسطة ونحمرها فى الزبدة حتى تتحمر ثم نضع طماطم مبشورة وبصلة مبشورة والكرنب المبشور ونقلبهم مع بعض ونتركهم حتى تستوى ويندمجوا





سجق بالخضار

الشيف ايمن

المقادير :

- 1/2 ك سجق بلدى
فلفل الوان
نعناع
4 فصوص ثوم مفروم
زبدة
- طماطم مبشورة
1/2 ك كوسة


الطريقة:

- نضع زبدة فى طاسةعلى النار ونضع البصل والثوم والنعناع والفلفل الوان ونقلبهم تشويحه ثم نضع السجق وشرائح الكوسة وشرائح الزيتون الاسود والطماطم المبشورة زنقلبهم ونتركهم لحد ماتستوى وممكن نضيف لها شوية ماء





سلطة الانشوجة

الشيف ايمن

المقادير :

- انشوجة
مكرونة مسلوقة
شرائح زيتون اسود
فلفل الوان
خيار
طماطم
ثمرة فلفل صفراء
بصلة شرائح
خس
بقدونس

الطريقة :

- فى طبق نضع المكرونة والبصل والزيتون والفلفل والخيار والطماطم والخس ونخلطهم ثم نضع عصير ليمون و معلقة مايونيز والانشوجة ونقلبهم مع بعض

جمبرى بالكسبرة والثوم

الشيف نبيل

المقادير:

- 1/2 ك جمبرى صغير
2 فص ثوم مفروم
ملح وفلفل
عصير ليمون
كسبرة خضراء


الطريقة :

- في طاسة على النار نشوح الثوم فى الزيت ثم نضع الجمبرى ونشوحه وفى الاخر نضع الملح والفلفل والكسبرة المفرومة ونقلبهم

- ويقدم






لحم بالبصل والزيتون

الشيف نبيل

المقادير :

- 1/2 ك لحمة فيلية قطع صغيرة
1/8 ك بصل مقطع
10 حبات زيتون اسود مخلى
ملح وفلفل
بصل صغير مخلل
م خل
2 م زيت ذرة
كوب ديمي جلاس

الطريقة :

- نشوح البصل المخرط فى الزيت ثم الثوم ثم نضع اللحمة ونشوحها لحد ماتتحمر وتدخل فى السوى ثم نضع صوص الديمي جلاس ونقلب ثم نضع البصل المخلل والزيتون وملح وفلفل ونقلبهم ثم نضع صلصة الطماطم ونتركها لحد ماتستوى





صوص الشيكولاتة


المقادير :

- كيلو حليب
200ج سكر
50 ج كاكاو
300 ج شيكولاتة دارك
- 50 ج زبدة

الطريقة:


- نضع الحليب والسكر على النار لحد مايغلوا كويس جدا ثم نضع ال300 ج شيكولاتة دارك
وال50 ج كاكاو ونقلب كويس جدا وبعد الغلوة الاخيرة نضع عليهم ال 50 ج زبدة علشان تكون بتلمع

صوص الفانيليا

المقادير :

- كيلو حليب
200 ج سكر
10 اصفر بيض
نص باكو فانيليا


الطريقة :

- بعد ما يغلى الحليب مع السكر نضع عليه البيض ونقلب كويس





طريقة عمل العجينة الاساسية
للازانيا والكانيلونى والتورتيلينى
والرافيولى والترياتلى و البابرتلى

العجينة الاساسية

- كيلو دقيق
10 ج ملح
8 : 9 بيضات
4 ملى زيت زيتون

او

- 3 بيضات
½ كيلو دقيق
ملح

الطريقة :


- نضع فى طبق الدقيق والملح ونضع بيضة ونقلب وبعدين نضع بيضة ونقلب وهكذا لحد مايخلص البيض وتتكون العجينة ونتركها ترتاح نصف ساعه

- ثم نضعها فى الماكينة المخصوص مثل اللى فى الصورة او نفردها بالنشابة ونبدء نضع الماكينة مثلا على رقم 10 ثم 9 ثم 8 وهكذا الى ان نرققها حسب الطلب

- وبعدين نستخدم العجينة ونقطعها حسب الرغبة

الرافيولى

المقادير :


- عجينة لازانيا السابق شرحها
300 ج جبنة ريكوتا او قريش
10 ج زعتر مفروم
50 ج بصل
سبانخ سوتية

الطريقة :


- نخلط الجبنة بالزعتر بالسبانخ
- نفرد العجينة ونقطعها دوائر بالقطاعه ونضع نص معلقة صغيرة من الحشو ونقفلها زى القطايف
- وندوس على اطرافها بالشوكة

التورتلينى

- عجينة لازانيا السابق شرحها
لحمة بيفى بالخضار

الطريقة :


- نقطع اللحمة قطع صغيرة جدا ونشوحها فى الزيت مع كل المقادير بدون ماء هى حتنزل مايتها وتستوى فيها
- ثم نضع كل الخليط فى الخلاط او الكبة ونضربه كويس قوى ونحشى بيها
- نفرد العجينة ونقطعها دوائر بالقطاعه ونضع نص معلقة صغيرة من الحشو ونقفلها زى القطايف
- وبعدين نجيب الطرفين ونلفهم حوالين صباعنا ونلزقهم مع بعض

ترياتلى

- عجينة لازانيا السابق شرحها

الطريقة :


- نضع العجينة فى الماكينة المخصوص مع وضع الوش النخصوص وحتكون شرايط مثل الاسباجتى

ببارتلى

- عجينة لازانيا السابق شرحها

الطريقة :


- نضع العجينة فى الماكينة المخصوص مع وضع الوش النخصوص وحتكون شرايط مثل الاسباجتى بس اتخن من الاسباجتى واتخن من الترياتلى

ملحوظه
طريقة الاحتفاظ بالعجينة

- بعد عمل العجينة وتقطيعها ممكن استخدامها مباشرة عادى بالسلق فى ماء وملح وشوية زيت
- او لحفظها بعد تقطيعها بنضعها فى الهواء لتانى يوم لحد ماتنشف وتبقى زى اللى بنشتريها
- وبعدين تضعيها فى اكياس نايلون او نضعها فى صينية كبيرة مستطيلة ونغطيها مثلا بقطعه قماشة

الكانلونى

- عجينة لازانيا السابق شرحها
- بشاميل


الحشو:


- لحمة بيف
- بصلة
جزرة
1 كرات
1 كرفس
ملح وفلفل

الطريقة:


- نقطع اللحمة قطع صغيرة جدا ونشوحها فى الزيت مع كل المقادير بدون ماء هى حتنزل مايتها وتستوى فيها
- ثم نضع كل الخليط فى الخلاط او الكبة ونضربه كويس قوى ونحشى بيها
- نقطع العجينة مستطيلات ونضع على طلرف كل مستطيل معلقة كبيرة من الخليط ونلفها ونضعها فى صينية ونرصص جنبها باقى الكانيلونى ونضع بشاميل على الوش ونرش جبنة وندخله الفرن

اللازانيا بالخضار

- عجينة لازانيا السابق شرحها


الحشو:


- بصلة
جزرة
1 كرات
1 كرفس
1 كوسة
200ج بسلة
- 250 ج فاصوليا
زعتر
ملح وفلفل
زيت زيتون
جبنة بارميزان
- جوزة الطيب
بشاميل

الطريقة :

- نقطع العجينة مستطيلات مثل اللازانيا ونسلقها عادى فى ماء وملح وزيت ثم نشيلها فورا من الماء المغلى الى ماء بارد او فيه مكعبات ثلج
- نجهز القالب نضع راقة لازانيا ثم طبقة خضار ثم بشاميل ثم نضع راقة لازانيا ثم طبقة خضار ثم بشاميل
- وهكذا على ان تكون اخر طبقة بشاميل ونرش الجبنة وندخلها الفرن لحد ما الجبنة تسيح


طريقة عمل الحشو :

نضع فى المقلاية الزيت ثم البصل المفروم ثم الجزر المقطع صغير ثم البسلة ثم الكرات ثم الكرفس ثم الفاصوليا
كله يتشوح كويس قوى ونضع ملح وفلفل





مستلزمات المطبخ

آواني الطبخ ( القدر -الطنجره - الحله )
يجب ان تختار آواني الطبخ من النوع الجيد
وكلما ارتفع سعر الآواني كلما كانت افضل وحسب تجربتي الخاصة
فآواني الطبخ الألمانية فليسلر استانلستيل هي افضل الأنواع رغم ان سعرها مرتفع جدا
حيث لا ينحرق فيها الطعام ولا يتغير لونها وتعيش مدة طويلة وربما لا تحتاجين شراء سواها .

يعني كما يقول المثل _ الغالي ثمنه فيه_
وهناك انواع اخرى مثل التيفال والالمنيوم والنحاس
كلها جيده
طبعا الأمر راجع لميزانية المنزل
وغالبا يكون آواني الطبخ تكون طقم مكون من اربع إلى ست قطع
مقاسات مختلفه .



العجة بالبطاطس


المقادير :

- 7 بيضات
1/2 ك بطاطس
1/2 ك بصل
100 ج ارز مستوى
فلفل رومى
شبت
بقدونس
كسبرة
فلفل حار
ملح وفلفل وكمون

الطريقة :

- نشوح البصل فى الزيت ثم نضع الفلفل الوان والبطاطس مكعبات المسلوقة وملح وفلفل وكمون وكزبرة ونقلبهم مع بعض ثم نضع الفلفل الحامى والخضرة المخرطة وكله يتشوح ثم نضع الارز ونقلبهم ثم نضرب البيض فى طبق ثم نضع الخليط اللى عملناه على البيض ونقلبهم ثم نضعهم فى صينية وعلى الوش نضع جبنة بارميزان وندخلها الفرن




لحمة بالخشاف

الشيف ايمن

المقادير :

- دوش بتلو
زبيب
مشمش
سودانى
بلح


الطريقة:


- نضع زبدة فى طاسة ونضع اللحمة ونقلبها ثم نضع الملح وفلفل اسود حب وكزبرة وحبهان وملح ولاورا ونتركها لحد ماتستوى اللحمة ثم نضعها فى طبق

- نضع فى الطاسة مكان اللحمة خضار سوتيه والزبيب والبلح والمشمش تقليبه ثم نضعه مع اللحمة فى الطبق

- نضع فى كوب حليب و شوربة ودقيق ونقلبهم كويس ثم نضعه على النار لحد ما يغلى ثم اصبه على الطبق




بسكويت البرتقال



المقادير :

- 1/4 ك زبدة
1/4 ك سكر بودرة
4 بيضات
باكو فانيليا
125 ج حليب
بشر برتقال
1/2 ك دقيق
1/4 باكو بيكنج بودر
عصير برتقاله

الطريقة :

- نضع الزبدة والسكر ونضربهم كويس قوى ثم نضع البيض بيضة بيضة ونضربهم كويس ثم ننزل بالحليب ثم بشر البرتقال ثم عصير البرتقال ثم اخر حاجة الدقيق لحد ما العجينة تتلم ثم نضعه فى الكيس والقمع ونعمل اصابع طويلة وندخله الفرن على درجة 170 لمدة 25 ق




فطيرة البصل

الشيف شربينى

المقادير :






الطريقة :

- في الماكينة نضع نصف كيلو دقيق ونصف كوب ماء ونضرب ونضيف ربع كوب زيت زيتون وبيضة وشوية ملح وذرة سكر حتى تتجانس العجينة ونطلعها نستخدمها فهى لا تحتاج للتخمير لعدم وجود خميرة

- لو طلعت العجينة لينة نفردها ونلمها بشوية دقيق على الرخامة حتى تتماسك وتتجانس

- نقطعها قطع او كويرات ونفردها بالنشابة ونسويها بالسكينة ونقطعها بالمقطع ونحشيها بخليط البصل ونقفلها بعد دهن الحروف بفرشاة بخليط بيضة مضروبة لقفلها

- ثم نضعها في صينية فرن مدهونة او نقلبها في طاسة على البوتجاز

- وتقدم


الحشو :

- شرائح البصل الأحمر مع زيت زيتون مع زعتر مع مكعب مرق مع عين جمل ويتاخد سوتيه على النار

- ممكن حشو العجينة بالفواكه ( تفاح بالقرفة - مشمش - فراولة بجوز الهند أو اي فاكهة ) ناخذ شرائح الفاكهة سوتية مع زبدة على النار ونحشي بها ( التفاح يضاف له قرفة اثناء تسويته )

الروانى






المقــــــــادير :


- 150ج سكر ( ¾ كوب )
- 10 بيضات
- 150 ج دقيق (3/4 كوب )
- 50 ج سمولينا (1/4 كوب)
- نص معلقة فانيليا
- جوز هند للديكور
- سيرب خفيف ساخن(كيلو سكر كيلو ماء ليمونة بعد الغليان)


الطريقة :


- ندهن صينية بالزبدة ونرشها كويس بالسمولينا
- اضع فى طبق السمولينا و الدقيق واخلطهم كويس بالمعلقة
- اضع الفانيليا على البيض واضع البيض والسكر فى الخلاط لحد ما المقدار يعلى لفوق ثم نضع الدقيق ونخلطهم حتى التجانس ثم نضعها فى الصينية وندخلها الفرن على درجة 160 لمدة نص ساعه
- اول ماتستوى وتطلع نسيها بالسيرب الساخن ونرش جوز هند على وشها كله
وتقدم





عيــون الســت



الشيف حسن



المقــــادير :

- 325 ج زبدة
- 100 ج سكر بودرة
- 3 بيضات
- 500 ج دقيق
- 100 ج سمولينا
- 100 ج جوز هند
- نص باكو بيكنج بودر
- نص معلقة فانيليا

الطريقة :


- اضع فى الخلاط الزبدة مع السكر بودرة على السرعه الهادية
- ثم اضع البيض بيضة بيضة واترك بين كل بيضة دقيقتين والفانيايا
- اضع السمولينا جوز الهند الدقيق البيكنج بودر فى طبق لوحدهم واخلطهم
- ثم اضعهم على المقدار اللى فى الخلاطوالخلاط شغال لحد ماتتكون عجينة
- اضع العجينة فى الثلاجة حوالى نص ساعه
- ابدء اشكلها على هيئة كور صغيرة مثل الصورة ثم اعمل خرم فى نصها واضع نص فستقة
- وادخلها الفرن على 160 درجة لمدة 20 دقيقة
- واول ماتطلع وهى سخنة اسقيها بالسيرب الساخن جدا

ملحـــــــــوظة

- سيرب خفيف ساخن(كيلو سكر كيلو ماء ليمونة بعد الغليان)
- سيرب ثقيل ( 2 كيلو سكر كيلو ماء ليمونة بعد الغليان)





رمـــوش الســـت



الشيف حسن



المقادير :

- 325 ج زبدة
- 100 ج سكر بودرة
- 3 بيضات
- 500 ج دقيق
- 100 ج سمولينا
- 100 ج جوز هند
- نص باكو بيكنج بودر
- نص معلقة فانيليا


الطريقة :

- اضع فى الخلاط الزبدة مع السكر بودرة على السرعه الهادية
- ثم اضع البيض بيضة بيضة واترك بين كل بيضة دقيقتين والفانيليا
- اضع السمولينا جوز الهند الدقيق البيكنج بودر فى طبق لوحدهم واخلطهم
- ثم اضعهم على المقدار اللى فى الخلاط والخلاط شغال لحد ماتتكون عجينة
- اضع العجينة فى الثلاجة حوالى نص ساعه
- ابدء اشكلها على صوابع صغيرة واعمل على جوانبها بالسكينة خطوط على هيئة الرموش
- وادخلها الفرن على 160 درجة لمدة 20 دقيقة
- واول ماتطلع وهى سخنة اسقيها بالسيرب الساخن جدا




الحمام المحشى بالارز المستوى
المقادير :
- حمام منظف ومغسول
2 كوب ارز مستوى نص سوى
300 ج بصل
3 معالق زبدة او سمن
- ملح وفلفل كمون
ماء بصل طماطم كرفس


الطريقة :
- نكسر عظم الحمام بمطرقة جامدة مع الاحتفاظ بشكله
- ونتبله بملح وفلفل وماء بصل
- نشوح البصل المخرط فى الزبدة لحد ما يصفر ثم نضع ملح وفلفل وكمون وكرات مخرط وكـــــــرفس مخــرط وقرن فلفل حامى
- ثم نضع عليهم الارز ونقلبهم كلهم كويس
- نحشى الحمام بالحشو ونكتفه بوضع الجناح خلف ضهره ووضع رجليه فى الفتحه السفلية
- ثم نرصصه فى صينية فيها شرائح بصل وطماطم وكرات وكرفس
- ونضع على الوش زيت وندخله الفرن لحد مايستوى ويحمر






بطاطس محشية بالفراخ

المقادير :
- 1ك بطاطس
- ½ ك فراخ مفرومة
اعشاب
طماطم
كرفس بصل جزر
- ملح وفلفل
زيت

الطريقة :
- نقشر البطاطس ونقورها ونشوحها فى الزيت
- فى مقلاية تانية نشوح بصلة لحد ماتصفروبعدين اضعها على الفراخ المفرومة وملح وفلفل وروزمارى وكسبرة خضراء ثم نضعهم فى الكبة ونضربها كويس ثم نحشى البطاطس بالخلطة دى
- نضع على النار الذيت والبصل المخرط والكرفس المخرط وفصين الثوم والطماطم المهروسة وملح وفلفل ونشوحهم كويس ثم نضع البطاطس بعد حشوها ونضع شوية شوربة او ماء لحد ما البطاطس تستوى
- ونغرفها فى طبق التقديم





برغل مفلفل مع بفتيك

المقادير :
- ¼ ك برغل خشن
200 ج بصل
2 فص ثوم
فلفل حار
ملح وفلفل
زيت او سمنة
- 300 ج بفتيك كندوز

الطريقة :

- اغسلى البرغل وانقعية فى ماء بارد لمدة نص ساعه وبعدين صفيه كويس من الماء
- نقطع اللحمة شرائح رفيعه زى الشاورما ونتبلها بملح وفلفل وماء بصل ونرشها يشوية دقيق
- نقشر الطماطم ونخرطها صغير (بيورية)
- نترك البصل الاخضر سليم زى ما هو بس نقطعه من تحت الراس مع ترك شوية فيه من الورق
- نشوح البصل المخرط صغير فى الزيت ثم نضع البرغل ونفضل نقلب لحد ما يستوى حتلاقيه طرى
- فى مقلاية تانية نضع الزيت ونشوح فيه اللحمة لحد نص سوى ثم نضع الطماطم المكعبات ونقلب
- ثم نضع البصل الاخضر والفلفل الحار لحد ماتستوى
- اغرف البرغل فى سيرفيس التقديم واضع خليط اللحمة على وش السيرفيس كله

كعكة المهلبية و الفراولة

المصدر : حلوة



المكوّنات:
مكوّنات القاعدة:
2½ أكواب أو 250 غ من بسكويت ديجيستيف? المُفتّت
½ كوب أو 100 غ من الزبدة غير المملحة? المذوّبة


مكوّنات الحشوة:
1 علبة أو 397 غ من حليب نستله المكثف المحلى
2 أكواب أو 500 مل من الماء
½ كوب أو 60 غ من دقيق الذرة
1 ملعقة طعام من ماء الزهر
500 غ من الفراولة? المنزوعة العنق والمغسولة والمقطّعة إلى أنصاف
5 ملاعق طعام من مربى الفراولة




طريقة التحضير:


يُخلط البسكويت المفتّت والزبدة في وعاء، وتُفرك المكوّنات حتى تُشكّل عجينة. تُرصّ العجينة في قاعدة قالب للكعكة ذات قعر متحرّك قياس 24 سم، ثمّ توضع في البراد لمدة 10 دقائق.


يوضع حليب نستله المكثف المحلّى، والماء، ودقيق الذرة في قدر كبيرة. يُغلى المزيج مع التحريك المستمرّ حتى يتكاثف المزيج. يُضاف ماء الزهر ويُحرّك.


يُسكب مزيج القشطة الساخن فوق صينية الكعكة المُعدّة. يوضع جانباً ليبرد ويُصبح بحرارة الغرفة العادية. تُنسّق الفراولة فوق مزيج القشطة.


يُسخّن مُربّى الفراولة في قدر صغيرة حتى يغلي ثمّ يُسكب بالملعقة فوق الفراولة.




الكمونية



الشيف شربيني

المقادير :


- بصلة مفرومة
- أوراك فراخ مخلية
- كمون_ فلفل اسود
- بطاطس وجزر مقطعين جوليان


الطريقة :


- نشوح البصل لحد ما يصير لونه ذهبي في اي مادة دهنية
- نقطع الفراخ مكعبات ونتبلها بالكمون والملح والفلفل الاسود
- وبعدين نضع الفراخ على البصل ونشوحها معاه
- نحمر البطاطس ونضيفها هي والجزر الى الفراخ وتشوح قليلا ثم نضيف كوب ماء على حسب كمية الفراخ
ونسلقها على النار ولازم تكون صوص





الممبار


بطريقة الشيف شربيني

من كل بلد اكلة





المقادير:

- نصف كيلو ممبار (بقري أو ضاني)
- 2 كوب أرز مغسول ومصفي
- 2 بصلة مبشورة
- 7 ثمرات طماطم مقطعة مكعبات أومبشورة
- ملح وفلفل أبيض / بقدونس - كسبرة خضراء
- نعناع - شطة /سمن او زيت

ملحوظة:

- نضع الممبار فى الخل لمدة ساعه علشان نتخلص من اى ريحة
وبعدين نغسله وبعدين نحشيه

الطريقة :
الحشوة ( خلطة المحشى العادى )

- نغسل الارز
- نبشر البصل والطماطم و نحطهم على الشبت و البقدونس والكزبرة ونضيف لهم الارز والملح والفلفل والكمون والشطة ونقلبهم جيدا وبعدين نحط السمن
- بالقمع- نحشي الممبار لثلثه بس بالخلطة و بعدين ندوس على الممبار بايدنا خفيف علشان توزعى الخلطة و عشان ما يبقاش الممبار مكبوس قوى
- فى حلة كبيرة نغلى ماء و نضع به ملح و نمسك كل قطعة ممبار و ننزلها بالراحة فى الماء المغلى نلاحظ انها تنكمش و تتقفل من الطرفين و يترك على النار حتى ينضج
- يصفي من ماء السلق و يحمر في الزيت
و بالهنا والشفاء





شاورمة اللحمه
زي ما بتشتروها من المحلات

المقـــــــادير :

- 500 جرام لحم مفطع قطع صغيره جدا يفضل اللحم البتلو
- 50 جرام لية خروف مقطع قطع صغيره جدا
- 6 ثمرات طماطم مقطعه جوليان (الزياده او النقص حسب الرغبه )
- 6 بصلات مقطعه جوليان صغير
- 3 قرن فلفل حامي مقطع قطع صغيره
- 4 فصوص ثوم مفروم
- ملح
- فلفل اسود
- بهارات لحمه
- 3 معلقة شاي خل
- 3 معلقة كبار زيت نباتي
- بقدونس مقطع

الطريقـــــــــــة :


- نحضر طاسة ويفضل التيفال
- ونضع اللحم والليه والزيت علي النار ويمكن ان نضع القليل من الماء ونزيده حبه حبه حتي نتاكد ان اللحم استوي
- نضيف الطماطم لحد ماتدبل
- علي الجانب الاخرنكون وضعنا من قبل في طبق خارجي البصل والثوم والفلفل الحامي والبهارات والملح والفلفل الاسود والخل لمدة ربع ساعه تقريبا وعندما تدبل الطماطم نضع عليها هذه المكونات حتي يصفر البصل و يدبل ويصبح لونه ذهبيا نضيف البقدونس ويقلب مع الخليط لمدة15 ثانيه تقريبا

طريقـــة التقديم

- نحضر العيش الفينو او الكيزر وسلطة طحينه نفتح الخبز ونضع السلطه والشاورما





التفريــــــــــــــــز



الطـمــــــاطــــم




لا غنى عنها اطلاقا
نجهز الكميه اللى عاوزين نفرزنها
نغسل الطماطم جيدا ونعصرها فى الخلاط وتصفى



وتوضع فى حله حتى تتسبك وينشف ماؤها



وتعبأ فى اكياس كل كيس على حسب استخدامك للطبخه الواحده









الفاصوليا الخضراء



تغسل جيدا جدا وتقطع بهذا الشكل








ونضع ماء فى حله وملعقه ملح ونتركها تغلى ونسقط الفاصوليا فى الماء المغلى ونتركها فيه حوالى عشر دقائق








وبعدها نصفيها جيدا فى مصفاه








ونضعها فى طبق واسع ونضع عليها ماء مثلج وقطع ثلج ونعصر عليها ليمونه لتحافظ على اخضرارها








تصفى الفاصوليا وتعبأ فى اكياس
ويراعى تفريغ الكيس من الهواء جيدا وتخزن

الحمص


نستخدمه كثيرا فى بعض الاطباق كالمقلوبه وفته الحمص وسلطه الحمص
وحمص الشام المصرى أو ( الحلبسه)


طريقتى هى
ينقع ثلاثه ايام مع تغيير الماء مرتان فى اليوم




ويسلق نصف سلقه مع اضافة معلقة ص سكر ويصفى





ويعبأ فى اكياس وبيكون جاهز للاستخدام ان شاء الله







الكرنب أو الملفوف








نضع الماء فى حله واسعه وتقطع رأس الملفوف وتوضع بأكملها فى الحله هكذا







هذه الطريقه تجعل الاوراق تتفكك من الملفوف بشكل سهل جدا ودون تقطع





وتسلق الأوراق وتقطع الحجم المطلوب






وتعبأ فى اكياس ويراعى عند وضع الشوربه لتسويه الملفوف ان تكون اقل من الكميه المعتاده لو عملناه فريش لان التفريز بيعمل على تطريه الاوراق الى حد ما





يتبع

الثوم


يقشر الثوم











ويفرم فى الكبه او المفرمه مع ملعقتان زيت زيتون وقطعه من نبات الزنجبيل





ويعبأ فى كيس هكذا ويفرز





وممكن وضع الثوم فى قصاصات من ورق الفويل كل قصاصه بها ملعقه على قدر الأستخدام






كفته الأرز المصريه




طبعا تفرم المكونات جيدا هكذا






وتوضع فى كيس اما على حالتها هكذا وعند الاستخدام تشكل وتقلى

وأما تشكل وتقلى فى الزيت وتفرز على هذه الحاله وعند الأستخدام
تخرج من الكيس على الصلصه وتطبخ












كبة البرغل


وهذه طريقه التشكيل والتفريز

نجهز اللحم والبرغل













تفرم المكونات جيدا فى الكبه او المفرمه

وتشكل




























وتوضع فى اطباق وتفرز

للشوى او داوود باشا



توضع المقادير وتفرم جيدا وتشكل اما اصابع للشوى او كور لعمل
الذ كفته داوود باشا

























اللحمه المفرومه(العصاج)


طبعا طريقه العصاج سهله ومعروفه وهى تحمير البصل واضافه اللم المفروم والتقليب
الى ان تنضج اللحمه وتضاف التوابل ويوضع الخليط فى مصفاء حتى تجف من الزيوت والدهون






وتعبأ فى اكياس كل كيس على حسب الصوانى اللى بتستخدميها






سكالوب الفراخ واللحم
(فراخ بانيه وبفتيك)





تتبل قطع البانيه بالبصل والفلفل الاخضر والبهارات وتنقع ليله كامله

وتانى يوم تغمس فى بيض ثم بقسماط(خبز مطحون )









وتوضع فى اطباق التفريز وتلف بالنايلون هكذا وعند الاستخدام نحمى الزيت ونهدأ النار
وتقلى فورا حتى وهى مجمده

ونفس الحال لبفتيك اللحم

الفراخ للشوى او الصينيه



تغسل الفراخ جيدا وتتبل بالبصل والفلفل الأخضر والبهارات المفضله
وتنقع فى التتبيله









وتوضع فى اطباق التفريز هكذا












وتغلف جيدا وتحفظ فى الفريزر

سمبوسه بحشوات مختلفه

طبعا طريقتها معروفه نحضر اوراق السمبوسه من السوبر ماركت ونجهز اى حشوات مفضله
ممكن جزء بالجبنه
وجزء بالبسله والجزر
وجزء بالمفروم وتلف وتفرز ايضا









شوربه العدس الرائعه




بعد طهيها تضرب فى الخلاط وتبرد وتعبأ فى أكياس

ونفس الحال لأى شوربه متبقيه منك بامكانك تفريزها

شوربه اللحم
الفراخ
البط وهكذا







المانجو




تمتلئ فى الأسواق وبأسعار مناسبه فلماذا لا نستغلها لعمل اشهى العصائر؟







تقطع المانجا شرائح






ولكل كيلو مانجو عصير ليموناتان للحفاظ على لونها


وتعبأ فى اكياس وتفرز






ونفس الشئ بالنسبه للجوافه والكنتالوب

القطايف



من الحلويات التى لا تخلو منها مائده رمضان
نحضر العجين والمكسرات للحشو








نقوم بحشو القطائف واغلاقها جيدا جدا









توضع فى اطباق وتفرز هكذا وعند الاستخدام نخرج الطبق مباشره ونقليها فى زيت ساخن









الشيره أو القطر أو الشربات



مهم جدا لسقى الحلويات فى الشهر الكريم ومن الممكن تخزينه
طريقته سهله فالسكر يكون ضعف الماء بمعنى
لو استخدمتى كوبان ماء فلهم اربع اكواب سكر نتركهم عالنار يغلوا لمده ثلث ساعه او حتى يثقل الخليط كما تفضليه





ونطفئ النار ونضيف عصير ليمونه ونقلب ونتركه يهدأ ويعبأ فى علب بلاستيكيه
وفقط نخرجه من الثلاجه ونسقى به الحلى وممكن تسخينه طبعا


















صناعه الزبادى فى البيت



المكونات :

- كيلو لبن
- معلقه زبادى كبيره مش علبه كامله
- معلقه لبن بودره (موجود فى السوق)
- بجانب (3) اوانى وطبق


طريقه العمل:

- هنجيب كيلو لبن ونضعه فى اناء
- هنضع اناء اللبن فى اناء اخر (وهو ما يطلق عليه حمام مائى) لأنه لو تم تسخين اللبن فى اناء واحد زى ما كله بيعمل بيؤثر على اللبن من ناحيه الطعم (الطعم الشايط) ريحه شياط
-وضع الحمام المائى الموجود بداخله انيه اللبن على النار مع التقليب الجيد والمستمر
والتقليب هنا مفيد لكى تصل الحراره لكل اجزاء اللبن لقتل البكتريا الموجوده.
ويتم التقليب حتى قرب الغليان ونستمر فى ذلك ربع ساعه تقريبا
- بعد ما سخنا اللبن نحضر انيه اخرى بداخلها ماء بارد ويستحسن ماء بارد مع ثلج
ونشيل انيه اللبن بعد التسخين مباشره من فوق النار ونضعه بداخل انيه الماء البارد والثلج
- ونترك اللبن فتره بسيطه وفى الفتره البسيطه دى هنعمل الاتى.
- هنجيب علبه الزبادى وناخد منها معلقه واحده كبيره والمعلقه الواحده كفايه
- طبعا احنا سايبين اللبن بيبرد فى انيه الماء البارد والثلج
- هنجيب طبق صغير ومعلقه وهناخد بالمعلقه شويه لبن من انيه اللبن اللى بيبرد ونضعها فى الطبق( شويه لبن يملو الطبق الصغير)
- بعد كده نجيب معلقه الزبادى الكبيره اللى خدناها من علبه الزبادى ونحطها فى الطبق
- ونجيب معلقه او حاجه خشب نظيفه جدا ونخلط الزبادى باللبن الموجود داخل الطبق الصغير خلط تام هتلاقى فى الاخر معلقه الزبادى مش موجوده مش شايفها وهتلاقى اللبن بقى قوامه كثيف.
- وبعد تمام الخلط تضع محتويات الطبق فى انيه اللبن الموجوده فى انيه الماء البارد والثلج
بعد كده منقلبش لسه هنضيف حاجه كمان ايه هى بقى
( وهى لبن البودره)
- ولبن البودره له ميزه رهيبه بيعمل على ثبات هلام الناتج ويعطى له قوام وطعم مميز
هنضيف معلقه من لبن البودره على اللبن الموجود فى اناء الماء البارد والثلج وكده يبقى
عندنا تلت حاجات موجودين داخل انيه اللبن:
- اللبن الذى تم تبرده
- كميه اللبن الذى تم خلطها بالبادىء
- لبن البودره
هنخلط التلاته مع بعض باى وسيله (معلقه - اى حاجه)
المهم تقعد تقلب لغايه لما تحدث عمليه الخلط التام بين الثلاثه اشياء
- نقوم بتعبه اللبن فى اكواب ( اسهل حاجه اكواب زبادى سابقه)
ونضع الاغطيه عليها
نقطه هامه ( لا يتم ملىء الاكواب الى الاخر هنملى الاكواب الى الحد الموجود فى علبه الزبادى الفاضيه وده لكى لا تلزق الطبقه الناتجه بعد عمليه التخمير فى غطاء العلبه.
وكده تم تعبئه الاكواب

- مرحله التخمر

- ودى بقى اهم واخطر مرحله من مراحل عمل الزبادى لان هى اللى هطلع شغلك حلو
المشكله هنا فى مكان وضع الاكواب اى مكان التخمر
ولكن احنا فى البيت دلوقتى وهنعمل ايه

فيه ثلاث طرق :

والهدف فى عمليه التخمر هو وضع اكواب الزبادى فى جو دافىء والى وقت معين حتى يتم تجبن اللبن

الطريقه الاولى

- يتم تشغيل فرن البوتاجاز لمده عشر دقائق وهنطفى الفرن خلاص كده خلينا الفرن سخن .
هنضع اكواب الزبادى فى صينيه ونحط الصينيه فى الفرن وفى الحاله دى الاكواب هتاخد من 8 الى 9 ساعات فى الفرن وعلى فكره الوقت بيختلف على حسب درجه الحراره.

الطريقه التانيه

- هتستعمل فيها كهرباء
المهم فى الطريقه دى هنجيب كارتونه فاضيه
وتوضع فيها اكواب الزبادى على حسب مساحه الكارتونه ويتم غلقها من جميع الاتجاهات مشعاوز فيها ولا خرم
وبعدين نقوم بعمل فتحه صغيره يا دوب الفتحه دى تدخل لمبه صغيره وبعد ما تدخل اللمبه طبعا اللمبه دى موصله بسلك وفيشه وهتحط الفيشه فى الكهرباء
وكده اللمبه هتشتغل جوه الكارتونه
وبالتالى هتدى ضوء وحراره
المهم هتسيب العمليه دى حوالى 9 الى 10 ساعات
لو فتحت بعد كده الزبادى ولقيت الجزء اللى تحت تجبن واللى فوق شرش يعنى السائل اللى بيبقى موجود بكميه كبيره جدا( ممكن تسبه شويه كمان على حسب شغلك انت)
بس الزبادى الحلو هتلاقى نسبه شرش صغيره جدا يا دوب

الطريقه الثالثه

- هى نفس الطريقه الثانيه بالظبط بس الفرق انه بدل ما بتستخدم كارتونه بتستخدم
علبه مسحوق الغسيل الاوتوماتيك
بتبقى كبيره وكمان الغلاف بتاعها بيبقى احسن من الكارتونه

- بعد ما تخلص عمليه التخمير تشيل الاكواب وتحطها فى الثلاجه

وبالهنا والشفا






الرقاق المصري






المقادير :

- نصف كيلو رقاق

- حوالي 300 جرام لحم مفروم و معصج بالبصل و الفلفل و الملح


- مقدار من الشوربه الساخنه جدا.. ملحها يكون مضبوط ( تفضل ان تكون شوربة بط..او رومي)



- مقدار من السمن..للوجه و لقاع الصينيه..



الطريقه..


- ندهن الصينيه بالسمن او الزبد او الزيت حسب الرغبة..

- نقوم بتطرية الرقاق بالمرق. . ولا نبالغ في ذلك حتى لا يصبح كالعجين. . و نضعه بالصينيه

- و نكرر العمليه اربع او خمس مرات. . او ان نقسم مقدار الرقاق لنصفين.. حسب المتاح والرغبه طبعا.
ثم نضع اللحم المفروم..


- و نكمل باقي مقدار الرقاق


- و ندهن الوجه كميه بسيطه من السمن

- و يدخل فرن ساخن..و بعدين نهدي عليه النار..







سلطــــــــــــة المليون فيتامين

الشيف أشرف معتز

حلقة اليوم 14 / 8 / 2009 " من كل بلد أكلة "





المقــــــادير :

- حزمة جرجير
- جزر مبشور
- 3 حبات بنجر ( مسلوق لمدة ساعة )
- طماطم كريز
- 3 خيار
- زيتون اسود مخلل مخلي
- حلبة منبتة
- 6 حبات قراصيا
- زبيب
- ليمون
- خل ( تفاح - ابيض )
- عسل
- كزبرة خضراء
- زيت زيتون


الطريقة :

الدرسينج ( الصوص )

- في بولة او طبق نضع 2 معلقة عسل نحل وسنة ملح ومعلقة زيت زيتون ومعلقتين خل وعصير ليمونة كبيرة ويقلب معا ( ممكن اضافة معلقة مسطردة ) .

- نضع شوية من الصوص على مكعبات البنجر ونقلبها وكذلك على أعواد الجرجير والجزر المبشور و حبات الطماطم والقراصيا والزبيب وشرائح الخيار

- في طبق التقديم نضع اعواد الجرجير وبجانبها الجزر المبشور وعليه القراصيا والزبيب ومكعبات البنجر وحوله الطماطم الشيري وشرائح الخيار والحلبة
ويقدم .

- في طبق التقديم

طب كويس انها عجبتك ياقمر
مشكورة لمرورك