نلم نفسنا....نتجوز كلنا

انا معجب بيكى
طيب وبعدين
لا مفيش بعدين ... اصلي انامعجب بيكى
طب يا عم الحج هاه
لا مفيش هاه....بقولك معجب بيكى

وهنا اوعى تفتكري للحظة انه قالك معجب بيكى يعني بيحبك وعاوز يجوزك
لا
ابسلوتلي
دا انتي بت كئيبة صحيح
معجب بيكى يعني الحب الحب الشوق الشوق ...كده
لكن جواز وكلام من ده
يا شيخة قولي كلام غير ده

*انا بحبك:

يا حلولى يا حلولي طب انا موافقة طيب

*موافقة علي ايه بقولك بحبك

مش شيفاني مشغل المساحات اهو

يبقى اكيد بحبك

بيقولك بيحبك وبحبك دي مش معناها انه عاوز يجوزك خالص
دي مثلا تنفع تبقى الهفا العطشان
تنفع تبقى ليالى الحليمة
تنفع تبقى روايات عبير وسوسن ومدكور
تنفع اي حاجة
الا الجواز

يا مضروبة انتي فاكرة انه كله جواز جواز؟ مفيش حب ولا ايه؟
كتك داهية متسرعة علطول كده

*انا معجببيكى وبحبك وعاوز اجوزك
كل ده يا مضروب...ثنية واحدة ابربش وابص فى الارض
*هاه هتيجي امتي بقه تقابل بابا
حاضر انا كاى اهه...بس همشى في الكزمة الاول

وهنا احب اوضحلك معالم الصورة هنا
الكابتشن اه عاوز يجوزك
بس يعني لسة بيكون نفسه وبيشد حيله
خدي كلامه وعد وسنجة علي رقبته وهيصو شويه
مش قالك هيجوزك
يبقى هيجوزك
عاوزة ايه بقى
ده انتى نكدية صحيح

اه مش هيتقدم دلوقتي بس بعد شويه كده
فيه ايه؟! الصبر من شيم المؤمنين

مش اي حد يقولك معجب بيكى يبقى جد...
ولا اي حد يقولك بحبك يبقه عاوز خير...
ولا اي حد يقولك هتجوزك يبقى خلاص صادق
اللى يبقى معجب ده يا اما يحترم روحه
ويحبس كلامه جواه طالما مش هيتنيل يعرف يعمل حاجة...

او يستني لما يعمل حاجة ويبقه يقولها
واللى بيحب ومش ناوي علي جواز يحترم سخصيته المتبهدلة المعذبة في نار الهويام ويبطل قلة قيمة
ويخاف ربنا شوية
واللى بيعشم بالجواز وبيبقه ناوي يخلع ياريت يلم روحه عن بنات الناس ويحس علي دمه

كما تدين تدان

وربك يمهل ولا يهمل

في شباب تعبان في نفسيته
زي ما فى بنات تعبانة في نفسيتها
واى ولد تعبان في نفسيته ممكن يعمل اي حاجة في اي وقت باى شكل عشان يضحك علي اي واحدة تعبانة فى نفسيتها زيه


نصيحه مني

لو جه حد يبربشلك ولا يوطي صوته ولا حاجة
تروحى سكعاه الجملة الشهيرة
".هات طبق حلويات شرقية مشكلة ودستتين جاتوه وكيلو سفرجل
..وتعالى كلم الحاج."


حبى اللى تحسيه
اللى يضحى بكل ما فيه
اللى يسمعك وانتى زعلانه قبل ماتكونى فرحانه

تعالوا نعمل حملة للم النفس شوية تحت شعار

"نلم نفسنا....نتجوز كلنا"
هههههههههههههههههه

المصدر: كايروز

---

kgl ktskh>>>>kj[,. ;gkh