بصوا الاول في حاجات هنتعلم نجهزها ازاي
عشان مش كل يوم نعملها
والحاجات دي زي الصلصه مثلا
كل يوم بنحتاجها
وبدل مكل يوم تعصري طماطم وتدوخي في شراها وعميلها
ممكن تنزلي يوم وتجيبي كل احتياج الشهر من الطماطم
مثلا لو قلنا انك اشتريتي 10 كيلو
نقيها حمراا وروحي قطعيها في حله
وخديها غلوه
ولما تبرد اعصريها في الخلاط
وصفيها
ورجعيها تاني الحله وسيبيها تصلص مع معلقه ملح
مش مهم تصلصيها اوي
خليها نص ونص عشان تبان في الطبيخ طبيعي
مش زي الجاهزه
وحطي علي قد الكميه اللي هتحتجيها في كل طبخه في كيس
واقفليهم وحطيهم في الفريزر
كده هيبقا عندك صلصه لطول رمضان من غير متشتري من بره
يادوب هتحطي في الحله
وادعيلي

دلوقت هقلكوا علي حاجات تانيه ممكن تساعدكوا وتريحكوا شويه في رمضان
كلنا طبعا بنعمل حلويات كتير قوي
فممكن نعمل كميه كبيره من الشربات ونحطها في ازايز في الثلاجه
ونستخدمها اول منحتاجه

يبقا كده خلصنا من هم الحلويات شويه
وممكن كمان نحفظ كميه من القطايف محشيه في الفريزر
نحشيهل عادي خالص
ونقفلها ونحطها في اكياس حسب الكميه اللي هنحتاجها ونخليها في الفريزر



فاصل ونواصل

ههههههههههههههههههههههههههههههه
ايه يابنتى كل ده انتى خربتى الميزانيه من اول شهر
استمرى يعنى احنا اللى بندفع
ومش لازم رمضان بس احنا طول السنه بناكل على فكره
هههههههههههههههههههههههههه
حلوه اوى فاصل وعلياالنعمه لنواصل ههههههههههههه

مرسي لمرورك ياقمرات


بالنسبه بقا للخضار
فممكن تسهلي علي نفسك موضوع الخضار ده من الاول
وتشتري الاصناف اللي بتحبيها منه


يعني تجيبيلك 2 كيلو بميه
او كوسه
او اي اصناف بتكليها
وتنضفيها وتقطعيها
وتعمللها بسطره وتحطيها في مياه بتغلي
وترجعي تشطفيها بميه بارده
وتصفيها وتحطيها في اكيس
وكده هيبقا عندك خضار كتير ومتنوع ممكن تستخدميه طول الشهر
وممكن تحفظي ورق عنب
وبسله
وكل حاجه تطلع في اونها وتكون رخيصه
ممكن تحفظيها للايام اللي بتبقا غليه فيها
ومش موجوده في السوق
وكده توفري حق الخضار الجاهز

وانا افور ليه هو احنا اللى بندفع
ولما نوفر ليهم اومال هنخرب بيتهم ازاى
::6::
دى كيلو الطماطم بئا 9 جنيه
وما يحلى الا عميل السلطه ::5::
نايس ياقمر تسلمى على الافكار اوعدك هعملها لما يغلى
علشان افرها ليوم ما ترخص
::14::