بنادى فى الجيش ( مسلسل كوميدى)الحلقه 1

بنادى فى الجيش ( مسلسل كوميدى )

بنادى بالزى العسكرى

الحلقة رقم (1)

بنادى فى الكلية العسكرية

ظهرت نتيجة الثانويه العامة وفتح مكتب التنسيق أبوابه والكل يحلم بكلية من كليات القمة ألا بنادى فقد أخذتها من أصيرها وتوجهت إلى مكتب تنسيق الكليات العسكريه وقامت بتقديم أوراقها بكل ثقه ومعها صديقتها نيفين

نيفين : أيه يابنادى الزحام ده كله بنات البلد كلها جاية تقدم فى الكليات العسكرية يادى النصيبه دا كل أللى عايزينه 500 بنت بس !!

بنادى : عارفه يابت يانيفين حتبقى العمليه مجزره علشان يصفوا الأعداد الكبيرة ..يعنى حنتعصر عصر..أدعى من قلبك أن يارب نقبل ..ياااارب

يتم أجراء الكشف الطبى على الأعداد المتقدمه وتنجح بنادى ونيفين فى الكشوفات
وينتقلوا إلى المراحل التاليه وهى الأختبارات النفسيه والرياضيه وتجتازاها بنجاح ويتبقى كشف الهيئه للقبول النهائى

بنادى : شدى جسمك كده يا نيفين وأقرأى الفاتحة والمعوذتين قبل ما تدخلى

نيفين : بيقولوا أن رئيسة اللجنة اللواء سعدية الدوكش ربنا يستر ..عليها بصة يابت يا بنادى تخليكى تلبدى فى جلدك

بنادى: المهم ماتلوكيش معاها وخلى عينك باصة لفوق فى السقف وحسك عينك تيجى عينك فى عينها والجواب على قد السؤال فاهمه

نيفين : أيوة ياستى أمك مرسياكى على كل حاجة ماهو أنتى بنت المقدم حلوتهم حد قدك

بنادى : الوليه دى أللى أسمها سعديه الدوكش ماتعرفش أبوها ربنا يستر

ينادى على أسم بنادى أولا للدخول أمام لجنة كشف الهيئة فتجد نفسها أمام مجموعة من اللواءات بالزى الرسمى وكلهن من السيدات وتتوسطهم اللواء سعدية الدوكش وهى تنظر إليها بتمعن وقد رفعت عينيها خارج أطار النظارة وفاجئتها بصوت أجش كأنه نعيق الضفادع

أنت بنادى حموده أبو جبل
بنادى : أيوه يا فندم ..
أمك تبقى المقدم/ حلوتهم أبو سريع ..
بنادى : أيوه يافندم
أنتى مجموعك فى الثانوية العامة يدخلك كليات الطب والصيدله أيه أللى جابك
بنادى : علشان بحب الجيش يا فندم
كويس ..تعرفى تكسرى العصايه دى ياشاطرة بسيف يد
بنادى : أجرب يافندم
مفيش حاجة أسمها أجرب يا بنادى ..يا تقولى أه.. ياتقولى لأ

تتقدم بنادى بثبات وتنزل بعزم مافيها لتكسر العصاية نصفين وتعود لمكانها وهى تنظر فى السقف

كويس يابنادى حناخدك فى قوات الصاعقة أتفضلى لما نبعت لك تبقى تيجى أللى بعده ..

نيفين حسن فتله

أنت نيفين حسن فتله

نيفين : حسن قله يا فندم
قله ولا فتله أرسى على حل
نيفين : قله ولا فتله أللى تشوفيه يافندم..
خلاص خلاص خليها قلة مش حيفرق أنتى مقدمه رغبتك للألتحاق بالكليه البحريه ومابتعرفيش تعومى وساقطه فى السباحة وده شرط أساسى للقبول فى البحريه تدخلى القوات البريه
نيفين : أنا عايز أأقول أنى بعرف أعوم وكانت فيه ظروف منعتنى من تكملة الحمام
أأقدر أعرف أيه الظروف دى
نيفين : الزغوطه
أيه يا ختى زغوطه
أيوه يا فندم الزغوطه ده أنا بنت عويمه نمره واحد ..أللى حصل أنى ضربت سندوتشين فول قبل ما نزل الحمام وأمى الله يسامحها حطتت فيهم قرن فلفل ملهلب ما تقوليش لعدوك عليه ولع بوئ وشفايفى ومكانش معايا ميه نادوا على أسمى علشان أعوم ما صدقت نطيت فى الحمام وقعدت أقربع فى الميه وأنا بعوم ما حستش بنفسى ألا وهم مطلعنى سطيحه بعد مارجعت كل أللى فى بطنى فسقطونى فى السباحة وأنا مستعده أمتحن تانى دلوقتى لو حبيتى ..أنا لابسه المايوه تحت الهدوم
ما ينفعش ياشاطره خلاص مافيش أمتحانات تحبى تنضمى للبرى ولا تاخدى ورقك وتروحى
نيفين : زى بعضه برى بحرى جوى كله محصل بعضه
سامعاكى بتقولى حاجه أنت منين ياطالبه
نيفين : من شبرا يا فندم العنوان عند حضرتك
أنت باين عليكى لكيكه وده مطلوب لسلاح الأشارة أتفضلى أنصراف

يتم قبول بنادى ونيفين بالكلية العسكرية وقد غمرتهما السعادة والفرح عند تلقيهم النبأ وأستعدا لتسليم أنفسهما للكلية العسكريه بعد أن ودعتا الأهل والأصدقاء ليبدئا معا حياة جديده داخل أسوارها

انتظروا الحلقة الثانيه

للامانه منقول بطابع كايروزى من اجل رمضان

المصدر: كايروز

---

fkh]n tn hg[da ( lsgsg ;,ld]n)hgpgri 1