بنادى فى الجيش ( مسلسل كوميدى)الحلقه 2

الحلقة رقم 2

الشاويش ناديه

تقوم بنادى ونيفين بتسليم أنفسهما فى الكلية العسكرية بعد أن نجحتا فى كشف الهيئه وتتجمع المستجدات فى مدرجات حمام السبا حة لتوزيعهما على السرايا والكتائب وتنتظران للأنضمام للمجموعات تقترب منهما شاويش قد فارقت وجهها الأبتسامه من سنين مضت

الشاويش يوجه كلامه لبنادى : مش أحسن لك ياطالبه تسيبك من المجلة أللى فى أيدك وتركزى علشان تعرفى تسمعى أسمك

بنادى : وأنت مالك أسمع ولا ما أسمعش يعنى أللى حيسمع أسمه حيروح الجنه

وبعدين أنت شاويش مالك أنت ومال اللى حتبقى ضابط ..روحى كده بلاش دوشه
مش ناقصاكى سكتك خضراء ياشابه
الشاويش: علشان تعرفى ياجاهله أنا طالبه فى القسم النهائى وممكن أكون المشرفه بتاعتك ..شيلى المجلة دى أحسن لك
نيفين : شيلى المجلة يابنادى ولمى الدور
بنادى: أيه رأيك بقى أن مش شايلاها وورينى حتعملى أيه ياحضرة الشاويش
الشاويش: مستعجله على رزقك ليه بكرة تعرفى أنا مين ياحلوة
بنادى : حتطلعى مين يعنى ..روحى كده لأخبطك شلوت أأقلبك فى الحمام
الشاويش : ماشى حسابنا بعدين
نيفين : أنتى باين عليكى بوء على الفاضى ياله ياشاطره من هنا

ينادى على أسم بنادى ونيفين ويقفا فى الطابور التى تنظمه طالبه بشريطين

وتقودهم جميعا إلى مخازن المهمات لأستلام الزى العسكرى وتحمل كل واحدة منهن مخلة ضخمه بها جميع الملبوسات الصيفى والشتوى

العريفه : قدامى ياطالبه أنتى وهى لعنابر المبيت.. مارش

تدخل بهم العنبر وتوزعهم على السراير وبجوار كل سرير دولاب للملابس
العريف : دلوقتى كل واحده منكم خلال خمس دقايق تطلع الأفرول من المخلة وتقلع هدومها المدنيه وتلبسه وأللى تخلص تجمع هنا قدامى أنصراف
تنصرف البنات وترتدى كل منهن الأفرول والجزمه البياده ويصطففن أمام العريف
تقوم بعدهن وتصرخ : لسه ناقصين أتنين.. بنادى ونيفين فين ؟؟
تهرع الصديقتان وتقفا فى آخر الصفوف ..تنظر إليهما العريف شزرا وتكاد تفتك بهما : العريف : أيه أللى أخرك أنت وهى
بنادى : البنطلون ضيق والجاكته كبيره على مابدلتهم مع البنات يعنى عايزانى أجيلك ملخبطه
العريف : أمنعى الكلام حسابنا بعدين لما تجيلكم الشاويش ناديه تعرف تروقكم
أحب أعرفكم بنفسى أنا العريف فاطمه فى القسم النهائى ومسؤله عن كافة شؤنكم
وسريرى أول سرير فى العنبر وأحب أعرفكم بأنى لن أتهاون فى أى غلطه
الأمر العسكرى مفهوش نقاش وجميع تحركاتكم بالخطوة السريعة ..تقطع كلامها
أنت ياطالبه ياللى قبل الأخيرة طلعى اللبانه أللى فى بوءك وأطلعى بره عندك طابور ذنب النهارده ..وأحب أعرفكم بأن النفير أللى بتسمعوه فى سماعات العنبر هو نوبات للحصص وفيه نوبه للنوم ونوبه للصحيان ونوبه للأستعداد وأخرى لجمع الطابور وأى تخلف عن النوبه سيوقع عليكم الجزاء مفهوم ..ردوا كلكم بصوت واحد مفهوم يا فندم أما أنتى يا أم لبانه تاخدى الطورئه دى جرى 20 مرة وماتقفيش ألا لما أأقولك أستوب
تدخل الشاويش فتنادى العريف فاطمه على البنات : أنتباه ثم تقوم بتقديم كشف الأسماء لها وهى تشرح لها ماتم من أعمال
تنظر بنادى من خلال الصفوف وتزغد نيفين : شايفه مين الشاويش بتاعنا
نيفين : يانهار أسود مش هى دى أللى أتخانقنا معاها فى حمام السباحة ربنا يستر علينا السنه دى
بنادى: أسكتى خالص يظهر شافتنا وجايه ناحيتنا
الشاويش ناديه : أهلا أهلا بالباعكيك الأتنين أول مرة أدعى وربنا يحقق دعايا
بنادى ونيفين يامرحبا يامرحبا .. أطلعوا بره الصف أحنا لسه ماتعرفناش ببعض
كويس ..عارفين الوزه بتمشى أزاى فرجونى ماشية الوزه
بنادى : بس مابعرفش أمشى ماشية الوزه يا فندم
الشاويش ناديه : عريف فاطمه عرفيهم ماشية الوزه ( تجلس فاطمة القرفصاء وتضع يديها فوق رأسها وتسير وهى فى هذا الوضع الصعب فتضحك بنادى ونيفين على منظرها )
وتصرخ فيهما : أنزلى ياطالبه أنت وهى ..ماشية الوزه مارش
تنزل نيفين وتنفذ وتتباطئ بنادى فتصرخ فيها نادية وفاطمه فتنفذ الأمر وهى تتوجع من آلام الركبه ولكنها تخفى ألامها وتستمر حتى تأمرهما نادية بالتوقف

وهم جلوس القرفصاء وتتركهما الشاويش ناديه للعريف فاطمه وتغادر لتكمل معهما باقى طابور الذنب وفى النهاية تصعبا عليها وتأمرهما بالوقوف أنتباه

فاطمه : أنتم عملتم أيه مع الشاويش ناديه

بنادى : أنا ماكنتش أعرف أنها طالبه فى النهائى أفتكرتها صف ضابط عادى ولبخت معاها وكنت حضربها بالشلوت وعلشان حظنا الأسود نقع فى مجموعتها
فاطمه : بالشلوت يامفتريه. . كنتم حتروحوا منها فين ..أسمعى أنت وهى العينين بقت عليكم فما تحاولوش أنكم تغلطوا وأمشوا جوه الحيط لحد ماتخلص فترة المستجدين مفهوم
مفهوم يافندم ..
أنصراف علشان تجهزوا سرايركم ودواليبكم ..
حاضر يافندم

المصدر: كايروز

---

fkh]n tn hg[da ( lsgsg ;,ld]n)hgpgri 2