بنادى فى الجيش ( مسلسل كوميدى)الحلقه 3

الحلقة رقم 3



يرتفع صوت النفير فى سماعات العنبر فى الخامسة ونصف صباحا فتنتفض البنات من الفراش ويهرعن للحمامات والأستعداد لطابور الصباح ..تفتح بنادى عينها لتجد أمامها الشاويش ناديه وهى ترفع عنها البطانية
ناديه : أصحى يا هانم الفطار جاهز على السفرة
تسحب بنادى البطانيه مرة أخرى وتعود للنوم : سبينى يامامى أنام شويه
أصحى قومى فزى ياطالبه قامت قيامتك يادلوعة مامى
تنتفض بنادى فتجد أمامها الشاويش ناديه وطابور البنات يرتدون ملابس الرياضة البدنيه وتفتش عليهم العريف فاطمه
بنادى : يا خبر أبيض هو أنا راحت عليا نومه ولا أيه
يا دلوعة بسرعة على الحمام وألبسى هدوم الرياضة وتعاليلى ع المكتب
بنادى تتثائب وتتمطع وتمشى بتكاسل فى أتجاه الحمام..تسمع صريخ ناديه ورائها فتجرى رعبا لتفذ الأمر
تقف بنادى أمام الشاويش ناديه بعد أن أرتدت ملابس التربية الرياضيه
ناديه : أسمك أيه ياطالبة
بنادى ...
تصرخ ناديه فى وجه بنادى : قولى أسمك زى ماتعلمتى ياتحفه
بنادى:طالبه أساسى 6110 بنادى حموده أبو جبل ياااا فندم
والدك بيشتغل أيه
بنادى : مهندس يافندم
والدتك أسمها ووظيفتها
بنادى : المقدم أركان حرب/ حلوتهم أبوسريع فى سلاح المشاه
أهلا ..أنت بقى بنت المقدم / حلاوتهم أبو سريع ..ده أحنا شوفنا أيام سوده على أديها لما كانت بتدرس لنا فى الكليه..عشان كده لسانك متبرى منك وشايفه نفسك
كوسه بقى وفاكرة أن والدتك حتحميكى ..أنسى ياماما أن ما خليتك تمشى تبصى وراكى وخليتك تلفى حوالين نفسك ما بقاش أنا الشاويش ناديه
بنادى : أللى تشوفيه يافندم
للخلف دورر سريعا مارش. أأقفى هناك عند العقله وأتعلقى فيها على ما جيلك
( تأخذ الشاويش ناديه بنادى إلى ميدان الموانع وتأمرها بعبورها زحفا وجريا وقفزا وهى تصرخ فيها كلما تباطئت وتمر عليها طالبه فى القسم النهائى فتسألها)
عملت أيه البنت المستجده دى
أنت ما تعرفيش مين دى ..دى بنت المقدم حلوتهم ابو سريع
مش معقول ..دى بنت المقدم حلوتهم ..والنبى سبيهالى شويه أفش غلى فيها
آهى عندك أهه روقيها
أجمعى هنا ياطالبه بالخطوة السريعة ..أجررى
( تقوم الطالبه النهائية بأعادة التمارين وهى تتلذذ برؤية بنادى وهى تتلاحق أنفاسها ويتصبب منها العرق وقد حل بها التعب تماما فتتوقف عن أداء التمارين)
أجرى ياطالبه
بنادى : أيه رأيك بقى ..مش جاريه
أرقدى ..
بنادى : مش راقده ..
أقفزى..
بنادى: مش قافزه وأللى عندك أعمليه
مزرجنه ياطالبه ..
بنادى : أيوه مزرجنه
( تشاهد بنادى عن بعد أحدى ضابطات الكليه وهى تمر فتترك الطالبه النهائيه وتجرى فى أتجاهها لتشكو الشاويش ناديه ومن معها للضابطه )
بنادى : أنا الطالبه بنادى حموده أبو جبل ..أنا من الصبح يا فندم الشاويش ناديه والطالبه أللى معاها بيعذبوا فيه ..ليه وليه أن والدتى تبقى المقدم حلوتهم أبو سريع ..وزى ماحضرتك شايف عملوا فيه أيه
الضابط : أنت بنت المقدم حلوتهم أبو سريع
بنادى : أيوه يا فندم ..يارب ماتكونش أمى تعبتك أنت كمان
الضابط : لا لا ما تخفيش والدتك دى أستاذتنا ..(تلتفت إلى ناديه وتأمرها هى ومن معها بالأنتظار أمام مكتبها ) أما أنت يا بنادى أنضمى لفرقتك وسوف أمر عليكى آخر النهار..أنصراف
( تجرى بنادى وهى فرحة وتنظر خلفها وتخرج لسانها لنادية والطالبه النهائيه الواقفتان أنتباه أمام الضابطه وهى توبخهما )


يتبع

المصدر: كايروز

---

fkh]n tn hg[da ( lsgsg ;,ld]n)hgpgri 3