جامد الموضوع يا غرام بس كان المفروض تجاوبى انتى الاول ع الموضوع دا
عموما انا هبدا

اول مرة عكيت فيها كنت فى 3 اعدادى وساعتها كانت ماما عند الدكتور واتاخرت ومكنش فى البيت غيرى انا وبابا
بابا طبعا كبر دماغه وقال استحمل الجوع على ما ماما تيجى

انا مقدرتش دخلت قشرت بطاطس وقلت احمر واعمل سندوتشات واعيش
المهم
حطيت البطاس فى الزيت وطلعت اتفرج ع المسلسل ومرجعتش الا على ريحة الدخان والبطاطس فحمة
وعلشان اتعلم الادب واخد بالى بعد كدا بابا خلانى اكل البطاطس
ومن ساعتها وانا بقيت فايق اخر حاجة

ياريت تجاوبى انتى بقا ؟؟

هههههههههههههه
احسن حاجة عملها باباك انه خلاك تاكل اللي انت عملته :d
عشان تحرم في السن ده تخش المطبخ
ههههههههه


اما عن اول عكة عكيتها انا
مش فاكرة بصراحة كان سني قد ايه
تقريبا في ثانية او ثالثة ابتدائي
كانت أمي ربنا يديها الصحة و طولة العمر مسافرة
فحبيت انا اطبخ لهم
و طبعا ما كنتش اعرف اعمل حاجة
كان جاي على بالي و نفسي في طبق بيتعمل بالعدس
و اكيد ما كنتش اعرف بيتعمل ازاي
بس تخيلت شكله و هو جاهز
و قلت لنفسي ايه يعني؟
اسلقي يا بت يا نيزو العدس و الرز و اخلطيهم مع بعض
هتبقا احلى طبخة
و نفدت بقا
بس حكاية التقلاية و البصل بصراحة ما كنتش اعرفها
و جرييييييييييييت لبابا الله يكرمه
فرحااانة و هييه هييه طبخت يا بابا
طبعا بابا فرح بي جدا
و قالي هاتيلي طبق
و اختكم ما كدبتش خبر
جريت عالمطبخ
هههههههههههههههههه
و غرفتله و قعد ياكل
..
..
..
..
..
انا طبعا باصة في عيونه و في ملامحه ساعتها
و مستنية اعرف
عجبته و لا لاء
..
..
..
..
..
بص لي بقا و هو بيضحك
قالي هو الطعم لذيذ يا بنتي
بس
..
..
..
..
ابقي نقي العدس من الحصى اللي فيه :d

بصراحةانتوا تجننوا اكيد برضوا مدير المنتدى عك ممكن يجاوب معانا ممكن جاوب بعد اذن غرام وبيبو طبعا ياترى مديرنا المميز عك فى اية هههههههههولكم منى اجمل تحية

انا بقى بصراحةكنت فى البيت لوحدى ومكنش حد موجود فى البيت بسكنت فعلا ممكن اكل نفسى طبعا انتوا عارفين اية الجوع ربنا ما يوريكم المهم باختصار مكنش فى فى البيت اى اكل خالص غير مكرونة وعيش وبما ان انى مبحبش المكرونة قلت اخترع اكلة لانى بموت فى الحلويات جبت عيش حاف وجبت سكر وقليت الزيت فى الطاصة وجبت العيش حشيته سكر وحطيته فى الطاصة وحمرت وكلت اتارى انا حطيت ملح ومكنتش اعرف وكان احر رغيفين فى البيت وطلع ملح ورميت الاكل ورجعت تانى اعيط من الجوع هههههههه

حلو اوى يا غرام والعك بتاعنا جامد اخر حاجة
بس عاوز اقولكوا حاجة انا بطبخ دلوقتى احسن من بنت اليومين دول
اللى مش بيعرفوا يدخلوا المطبخ هههههههههههه

ههههههههههههههههههههههههههههه

والله موضوع جامد اخر حاجه المهم احكيلكوم انا بقى على تجربتى

هى كانت فى سنه سادته ابتدائى المهم
البيت كله خرج وانا كنت نايمه صحيت مالقيتش حد فى البيت
طات فى دماغى اعمل بيض مسلوق المهم
حطيت البيض على النار وسبته وكنت انا بقى كنت صاحيه مدروخه فقولت انام شويه على ما البيض يستوى
اختكم بقا صاحيه على صوت حاجه طات جريت على المطبخ لقيت البيض بايظ والميه نشفت
هههههههههههههههههه ايه رايكم فى العك بتاعى

ههههههههههههههههههههههههههه


الله يطمنكم

بالنسبالى انا مبدأتش اعك فى الاكل ألا وانا كبيرة لان والدتى كانت بتفضل تعلم اختى لانها الاكبر


لكن هوايتى المفضله من ساعه ماكبرت وبدأت اتعلم

انى احط الاكل على النار واسيبه واتفرج على التلفزيون

ومع نفسه بقه يتحرق والحله تتحرق والبيت يولع ماليش دعوة انا مركزة فى حاجه تانيه خالص

هههههههههههههههههههههههه

اول مرة عملت اكله كانت مكرونه وسبتها لحد ماعجنت

بس على مين كلوها برده

ههههههههههههههههههههههه